1\
اليوم ,,, ورغم أني حكيت معك الصباح ,,, بس مشتاقه إليك كتير....
حاسه قلبي عم يدق يدق يدق فرح ,,,, حبيتك تكون جنبي...
انشالله ما تطول وتجي ,,,, بدي احكي معك وناااااااااااااام....
مابتتصور شعوري كيف بيكون لما بتكون أنتا آخر شخص بحكي معو بالمسا وانتا أول شخص بالصباح بحكي معو....
بحبك....
19 نيسان....
2\
اليوم الصبح حاولت تزعلني...
ببرود ردت عليك...
حسيت انو لو انا حدك بالحقيقة كان صفعتني كف...
بس انت بعيد ... بعيد كتير.... ومابتعرف هم قلبي .... لهيك مش زعلانه منك....
مابحب كون ضعيفه...
واكيد مو ذنبك تشيل هم واجلس اشكيلك...
اكيد متصور انو كتير قرارات بإيدي...
لاااااااااا ... مو كل شي بإيدي...
بتصور انو بس تقرا هالكلام .... رح كون بعيده كتير عنك ....
وبتصور انو مارح تتزكر شو صار بيناتنا...
احياناً الأنسان بيجرح حدا كتير بحبو بدون قصد...
واحياناً بيجرحوا بقصد...
مو يمكن ... اكيد انا جرحتك مره وبقصد ...
بعتذر... بعتذر على كل شي....
وأنا بكتبلك رن موبايلي ... حتى بخيالي ممنوع كون انا وانت بدون ماحدا يقطعنا....
23 نيسان \ 2009 م
3\
اليوم ,,,, كنت بعيد عني كتير...
كنت حابه كتير احكي معك ...
بس كتير حكيت مع طيفك ,,, كنت ترد عليي ,,,, كنت تقويني ,,, ما تضعفي ... ماتضعفي ... هيك كنت تقلي....
كيف ما اضعف ؟
مابعرف الى ايمتى تمثيلة القوة رح تنتهي....
حتى وانت بعيد ,,, كنت اترجاك ,,, خليك بعيد ,,, بس خليني ضل احكي معك...
ماتغيب كتير ,,, بدي كل يوم ضلك حدي حتى لو بعيد...
27 ابريل \ 2009 م
ليست هناك تعليقات:
إرسال تعليق