بساعة الفجر . . بتحلى الوشوشات . . وبيحلى الغنج بين اتنين بيحبو بعض . .
اليوم . . في اتنين عشقانين كتير . . ودايبين من العشق . . فينا نقول فرطانين من هالعشق . .
حدي . . بتطلع فيون . . بسمع دقات البون . .
هالحالة فريدة كتير . . يمكن بنشوفها كتير . . بس مو كل اتنين فيون يستمروا سنوات طويلة . .
لأن في عواصف بتهب . . وشوية أمطار بتبلل هالحب . .
ياترى . . قديش فيكن تتحملوا هالعواصف ؟
وقديش فيكون تمشوا تحت المطر . . وتتبلل تيابكن بالمطر والوحل بدون مظلة وبدون ماتنزعجوا ؟
قد ماتحملتوا . . قد ما راح تستمروا بهالحب . .
لفتلي نظري هالعاشق . . يلي متسمر بتفاصيل وش حبيبتو !
بتصدقوا . . بحس حالي ماني موجوده بينن !
وتصدقوا . . عم حس انو مالون حاسين بوجودي !
هالحالة كمان فريدة . . وما كل حدا فيو يحس فيها . .
يمكن . . رح يجي يوم وتحسوا فيها . .
ويمكن . . مارح يجي هاليوم . .
36 : 12 ص
30 مايو \ 2010 م
ليست هناك تعليقات:
إرسال تعليق