وشوشات اليوم خاصة كتير . . وبتعني حدا مهم كتير بحياتي . .
ممكن رح يعرف انو هالحكي الخاص منشانو . . وممكن كتير ما بيعرف !
المساء وكل مساء بيشبه طعم السكر معاك . .
ولما بتغيب ع بالي صرخ وقول " ماتغيب . . ما تغيب " . .
وهالمساء بدي صرخ وقول " بيكفي غياب " . .
صوتنا معقول يوصل للي بنحبو ؟
كتار بيقولوا البعيد عن العين بعيد عن القلب . . ومن ضمن هالكتار هالشخص يلي عم اكتبلوا !
يمكن حفظتها من تمو !
يمكن الحياة فرقتنا . . وبكل مناسبة بتمرق بنتاقل لحتى نقول " كل عام ونحنا بخير " . . " ينعاد علينا " !
ويمكن نحنا يلي عم نبخل ع حالنا مش العالم يلي عم تبخل علينا بفرحه صغيره . .
هالمساء بدي قول أني بحب كتير . . ومشتاقة كتير . . وجوات قلبي فيه شيء عم يتحرك . . ومن كتر ما عم يتحرك وعامل عجقه عم يلبكني !
أتنهدت كتير . . مابكيت . . وما بدي أبكي . .
هالمساء يلي لونوا مغير كتير . . وشكلوا مغير كتير . . بدي أمسكلك أيدك . . وأضغط عليها . . وأتطلع بعيونك وقلك ماتتركني بليز . .
نجوم السماء مضوايه . . وع قد ما هي مضوايه . . عم تشهد بحكيي . . عم تشهد بحبي . .
أتطلع بالسماء . . بلكي بتشوفني . . وبلكي بتحس بقلبي . .
أيدي بارده . . بعرف . .
من يوم ماتركتها . . ماحدا لمسها !
52 : 11 م
23 مارس \ 2010 م
ليست هناك تعليقات:
إرسال تعليق