.
.
.
مساء الخير . .
مساء الورد وَ الحب . .
بعد غيبه طويله . . رجعنا للوشوشه . . رجعنا . . ويلي رجعتنا مجنونه . .
بتقول هالمجنونه : أنا بحب . . وعمر الحب اللي بقلبي مانقص . . بالعكس عم يزيد . . يمكن ماعم يظهر . . بس عم بيزيد . .
يمكن ما عم أحكي . . بس الحكي مخبى جوات قلبي . . بتحكيه عيوني قبل شفافي . .
أنا مجنونه بحبيبي . . وعم يزعل أني مجنونه ؟!
عم يزعل إني عم خليه حر طليق . . يمكن ماعم يفهم شو معنى الحرية بنظري . . ويمكن عم يتصور الحرية بمفهوم تاني وبعيد عن يلي بتصوروا . .
الحرية إني مابخنقو . . الحرية إني شوفوا مبسوط وين ماكان ومع مين ما كان . .
الحرية إني بعرف أنو مسافر وحدوا أنثى بتكون أحلى مني بكتير . . بيتطلع فيا . . بتعجبوا . . ومابغار !
الحرية إني خليه زلمة مش ريموت كنترول بضغط زر بيعطي أوامر ضروري تتنفذ فوراَ !
الحرية إني كون أنا . . بحسناتي وسيئاتي . . ويقبل فيي . .
كتار بيقول للمجنونه . . أنها مجنونه . . وهيدا مش حب !
بس بترد وبتقول : مين قال هيك ؟
الحب مش بس جسد . . الحب حرية قبل الجسد . .
الحب . . صعب كتير احكي عنو . . وصعب كتير اشرحو . . لأنو هون . . جوات القلب . .
بدي قول للمجنونه . . ضلك متل ما أنتي . .
ضلك شقيه . . وماتخبي هالشقاوه . . تا يشمها . . تا يعشقك متل ما أنتي . .
معنا أتصال ع الهوا مباشرة . .
- ألو . .
- ألو . . مرحبا . .
- مرحبا . . أهلا وسهلا . . مين عم يحكي معنا ؟
- معك أبو نزار العشقان . .
- أهلين أبو نزار . . شو بدك تحكي للمجنونه . . فينك تحكي رأيك . . أتفضل . .
- بدي قول أنو هي المجنونة غريبه كتير . . يعني شلشتني لهيك رفعت السماعه وحكيت معكن . . يعني بصراحه كنت أتمنها تكون حبيبتي أو حتى مرتي . . لأنو فيها اشياء كتيره حلوه . .
كمان من عندي بدي قول إلها " ضلك متل ما أنتي " . .
- يسلمو أبو نزار ع اتصالك . . وأكيد هي ع السمع . .
الأتصالات كتيره . . والمسجات يلي عم تمرق قدامي كمانه كتيره . .
بدي أقرا إلكم بعض المسجات يلي وصلتني . .
- السكران من لبنان بيقول : " . . . . أخت " حظي يلي وصلت مأخر . . كان بدي أعشق هالمجنونه يلي بتشبهني وبشبهها . .
- أبو الأسد من سوريا بيقول : الحكي مع هالمجنونه مابيشبه الحكي . . متل الحلم . .
- هند من الجزائر بتقول : هي رائعة . .
لهون . . بتنتهي حلقتنا \ وشوشتنا . .
بس مش لهون النهاية . .
رح نكفي حديث . . رح نكفي جنون . . رح نكفي عشق . . بوشوشه تانيه . .
بالختام . .
بهديكم غنية فيروز . . " أنا لحبيبي وحبيبي إلي " . .
راجعه . . أنطروني . .
.
.
.
5 : 4 م
25 سبتمبر \ 2010 م
ليست هناك تعليقات:
إرسال تعليق