.
.
.
كنا صغار وكبرنا يا أمي
كنا صغار وعم نلعب
بين المفارق
ونهرب
بشيء كزبه كبيره !
كنا صغار والهوى مرق علينا
بوردت أصابيعنا
دق القلب شيء ألف مره
دق . . وماحدا فتحلوا الباب
ضل ناطر وناطر
بلكي كزبه كبيره تتعمشق بأطرافو !
كنا صغار نحمل حكايات ملونه
نضحك
نخربش بالحيطان
كنا صغار وبيت جدي كبير كتير
محني متل العروس
ملبس دهب وحرير
واجا ملتم
سرق الحنا
سرق الدهب والحرير !
كنا صغار يا أمي
وع غفله كبرنا
أتجوز اللي بدوا يتجوز
مات اللي بدوا يموت
وأنولد يلي بدوا يعيش
وضلت الغنيه بتدور :
كنا صغار وكبرنا يا أمي . .
.
.
.
6 : 2 م
9 أكتوبر \ 2010 م
ليست هناك تعليقات:
إرسال تعليق